وبالفعل بابا رغم تعبه قرر يقف جنبي، واتواصل مع جوزي وطلب منه يقابله، لكن المرة دي مكنش رايح يترجاه يرجعني ولا يحاول يصلح بينا، كان رايح يحط نهاية للمهزلة دي. جوزي جه ومعاه والده، وأول ما قعدوا بابا قاله: ـ أنا عايز أفهم منك حاجة واحدة، إنت اتجوزت بنتي ليه؟
عشان تكون مراتك ولا عشان أمك تلاقي حد يخدمها ويشيل عنها مسؤولية بنتها ومرات أخوك؟جوزي حاول يبرر وقال: ـ يا عمي، الموضوع اتفهم غلط، وماما كانت عايزة تأجل الحمل شوية بس، وأنا مكنتش أقصد أضايق لينا. بابا رد عليه: ـ وتأجيل الحمل ده قرار مين؟ قرار أمك؟
ولا قرار بنتي وجوزها؟ وبعدين إيه اللي يخلي أمك تطلع لبنتي شريط برشام في ليلة دخلتها وتفرض عليها تاخده؟ وإيه اللي يخليك توافق على إنك تهجرها وتعاقبها عشان رفضت؟جوزي سكت، ووالده اتدخل وقال: ـ إحنا غلطنا، وأنا مش هنكر إن اللي حصل من مراتي وابني ملوش مبرر، بس إحنا عايزين ننهي الموضوع بهدوء ومن غير مشاكل أكتر.
بابا قاله: ـ الهدوء كان مطلوب من أول يوم، لكن بنتي اتظلــ,,ـــــمت واتضــ,,ـــــربت واتهددت، وأنا مش هقبل إنها ترجع تعيش في المكان ده تاني. وبعد كلام طويل، جوزي طلب مني أقعد معاه بعيد عن الكبار، لكنه المرة دي مكنش عندي استعداد أسمع وعود جديدة.
قاللي: ـ أنا عارف إني غلطت، بس صدقيني مكنتش متخيل إن الموضوع هيوصل لكده، وأنا مستعد أعمل أي حاجة عشان نرجع. بصيتله وقلت: ـ إنت كان قدامك شهر ونص تصلح غلطك، لكنك اخترت كل مرة تسمع كلام أمك، ولما رفعت قضية عشان أخلص من الظلــ,,ـــــم اللي عايشة فيه، مدّيت إيدك عليا.
أنا مش عايزة أرجع، ومش عايزة أعيش معاك. فضل يحاول يتكلم، لكني كنت حاسمة في قراري. وبعد تدخل والده واتفاق العيلتين، وافق يطلقني، واتفقنا على تعويض مناسب ليا مقابل إنهاء النزاع، مع حفظ كل حقوقي الشرعية والقانونية، واترد لي كل اللي يخصني من مصوغات ومتعلقات، واتوثق الطلاق والتسوية بشكل رسمي.
وأول ما خلصنا الإجراءات، حسيت إن حمل تقيل اتشال من على صدـ,,ـــري. خرجت من عند المأذون مع بابا وماما، وبصيت لبابا وقلتله: ـ أنا آسفة إني خليتك تمر بكل ده بسببي. وقف وبصلي وقال: ـ إنتِ مش سبب أي حاجة يا بنتي، إنتِ اتظلــ,,ـــــمتي، واللي غلط هو اللي يتحمل نتيجة غلطه.
رجعت بيتي وأنا معايا كل حقوقي، لكن أهم حاجة رجعت بيها كانت كرامتي وراحتي النفسية. أما جوزي السابق، فعرفت بعد فترة إن أمه كانت السبب في خراب بيته بإيديها، وإنه دخل في مشاكل معاها بسبب اللي حصل، خصوصًا لما اكتشف إن الست اللي كان فاكر إنه هيقدر يضغط عليها ويخضعها، خرجت من حياته من غير ما تتنازل عن حق واحد.
وأنا قررت أبدأ من جديد، وأكمل حياتي، وأبقى فاكرة إن الجواز مش مجرد فستان أبيض وفرح، الجواز راجل يحترمك ويصونك ويعرف إنك شريكة حياته، مش خدامة عند أمه وأهله. قصص وروايات أمانى سيد
Amany sayed mohamed موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.