يوم دخلتى بليل جوزى قالى استنى ماما الاول وقتها بصتله باستغراب مش فاهمه استنى مامته ليه فى يوم زى ده وبعد شويه لقيت حماتى طلعت ومعاها شريط برشام وقالتلى خدى منه واحده قبل ماتعملوا أى حاجة وقتها بصتلها باستغراب وانا مش فاهمه ليه اخد ده أصلا وقولتلها ـ برشام ايه
ده يا حماتى بتاع ايهـ ده برشام منع حامل .
.. دلوقتي سلفتك حامل وأخت جوزك حامل ومحتاجين حد يخدمهم واننى لسه عروسه جديده ولو حملتى كده شغل البيت كله هيتعطل ومش هلاقى حد يخدمهم ويشيلهم خصوصاً اخت اجوزك لانها ماعندهاش اخوات بنات كل سلايفك رجاله ولو حملتى هنروح نن..
زله عشان وقتها هيعطلك عن الخدمه وقتها فضلت باصة لشريط البرشام اللي في إيدها، وبعدين رفعت عيني وبصيت لجوزي اللي كان واقف جنبها وكأنه مستني مني آخد الحباية وأسكت،
مش مصدقة إن دي أول ليلة ليا في بيتي ومع جوزي، وإن أول حاجة حماتي تفكر فيها إنها تديني برشام يمنع الحمل عشان أخدم بنتها ومرات ابنها!
بصتلها وقلتلها باستغراب: ـ يعني إيه يا حماتي؟ هو أنا جاية هنا عشان أخدم سلفتي وأخت جوزي؟بصتلي بضيق وقالت: ـ وإنتِ فهمتي إيه غلط؟ ما هو كلنا بنخدم بعض، وبعدين دول مش أغراب، دي أخت جوزك ودي مرات أخوه، ولازم تقفي جنبهم.
قولتلها: ـ أقف جنبهم على عيني وراسي، لكن موضوع إني آخد برشام منع حمل من أول يوم جواز عشان حضرتك محتاجة حد يخدمهم، دي حاجة مش داخلة دماغي. لقيت جوزي بيتدخل وقال: ـ يا حبيبتي ماما مش قصدها حاجة، هي بس عايزة نأجل موضوع الخلفة شوية لحد ما الدنيا تستقر.
بصيتله وقلت: ـ نستقر إزاي؟ هو إحنا اتجوزنا عشان نخلف من أول يوم؟ ما طبيعي إن الخلفة مش بإيدينا، وبعدين إنت ليه موافق على حاجة زي دي من غير حتى ما تتكلم معايا؟رد عليا بهدوء: ـ يا ستي الموضوع بسيط، حباية واحدة مش هتعمل مشكلة، وماما أدرى بمصلحة البيت وقتها رفضت اخد الحبايه وقولتله انا مش هاخد برشام معرفش مصدـ,,ـــره إيه وممكن يضرنى بعد كده ويجبلى عقم لقيته رد عليه بمنتهى البساطة ـ خلاص ماتخديهوش وأنا مش هقرب منك ولا المسك فضلت حماتي واقفة قدامي مستنية ردي، ولما لقتني ساكتة قربت مني وقالت بنبرة هادية لكنها مليانة تهديد:ـ بصي يا بنتي، أنا مش عايزة أزعلك ولا أضايقك، بس إنتِ لازم تفهمي إن الرجوع لبيت أبوكي دلوقتي مش في صالحك.
بصتلها باستغراب وقلتلها: ـ يعني إيه؟قالت: ـ يعني أبوكي راجل تعبان، ومستني من يومين يطمن إن بنته اتجوزت وبدأت حياتها، لو عرف إنك رجعتي في ليلة فرحك، وإن جوازك اتقلب بمشكلة، مش بعيد يجيله جلطة من الصدمة، وساعتها هتفضلي طول عمرك شايلة ذنبه.
حسيت إن قلبي اتقبــ,,ـــــض، وقلتلها: ـ إنتِ إزاي تقولي كلام زي ده؟ هو أنا لو زعلت من حاجة أتحاسب على مرض أبويا؟قصص وروايات أمانى سيد ردت بمنتهى الهدوء: ـ أنا بقولك الحقيقة، وإنتِ أدرى بحالة أبوكي، وعارفة إنه مش ناقصه صدمات.
عشان كده بقولك خدي البرشام وعيشي حياتك، وخليكي عاقلة بدل ما ترجعي له مكسورة وتدخليه في دوامة هو مش قدها. بصيت لجوزي اللي كان واقف عند الباب، وقلتله: ـ إنت سامع أمك بتقول إيه؟!رد بتوتر: ـ ماما مش قصدها تهددك، هي خايفة على أبوكي وعليكي.
صرخت فيه: ـ خايفة عليا إزاي وهي بتحطني بين اختيارين أصعب من بعض؟ يا أقبل إني أتنازل عن حقي في تقرير حياتي، يا أرجع بيت أبويا وأبقى السبب في مــ,,ـــــوته؟!حماتي اتدخلت وقالت: ـ محدش قالك تتنازلي عن حاجة، إحنا بنطلب منك تأجلي الحمل شوية، وفي المقابل هتعيشي ملكة في بيت جوزك.
قولتلها والدموع في عيني: ـ وأنا لو رفضت؟بصتلي بثبات وقالت: ـ يبقى متلوميش غير نفسك على اللي هيحصل، وابني مش هيلمسك، وهتفضلي في بيته لا طايلة سما ولا أرض، لا إنتِ عايشة معاه كزوجة ولا قادرة ترجعي لأهلك وتواجهي أبوكي.
Amany sayed mohamed موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.